Sustatu.com, euskarazko lehen bloga

2001eko urriaren 29an sortutako euskarazko lehen bloga da Sustatu.com. Teknologia, Ekonomia eta Kulturaren alor desberdinetan lanean ari diren gazteentzako zerbitzua da. Profesional Euskaldunentzako albistegia da Sustatu.

Sustatu blogaren irudia

"Goiena Komunikazio Zerbitzuak" eta "CodeSyntax" informatika enpresek, Gipuzkoako Foru Aldundi eta Eusko Jaurlaritzaren laguntzarekin sortu zen. Gaur egun hedadura handia duen bloga da.

Interneteko garai hauetan, euskararen presentzia indartzeak berebiziko garrantzia du. Hala ere,  Sustatu ez da euskara bultzatzeko ekimen bat, gai profesionalei buruzkoa, baizik. 

Sustaturen bi helburuak honako hauek dira: Informazioaren sorkuntza eta hedapena, batetik eta Profesional euskaldunen komunitatearen trinkotzea, bestetik.

Komunitatearen partehartzea ezinbestekoa da, helburu hauek lortzeko. Zu zeu, informazio eta iritzi sortzaile bihur zaitezke.

Eitb-ko Nick dut Nik saioan, "Euskarazko Weblog kolektiboa’-ren sortzaile Luistxo Fernandezi egindako elkarrizketa.

Instragarm, modan dagoen aplikazioa

 Miren ARRIETA

Aplikazio hau doakoa da eta bertan argazkiak partekatu ditzakezu bertako erabiltzaileekin.  Argazkiei efektu desberdinak emateko aukera dago aplikazio honi esker. Horretaz gain, argazki horiek sare sozial desberdinetan partekatu ditzakezu, facebook, Twitter, Tumblr eta Flickr-en, esaterako.

Aplikazio honen ezaugarririk desberdinena honakoa da:  Forma aldetik karratua dela.  Kodak Instamatic eta polaroid kameren omenez, alegia

Aplikazio hau  iPhone mobilentzat izan zen disenatua. 2012ko apirilean ordea, Androidarekin erabiltzeko aukera dago.  Google play-tik deskargatu dezakezu. 

Instagram-eko argazki bat

Baina nola erabiltzen da aplikazio hau? Pausoak honako hauek dira:

1. Instargram aplikazioa deskargatu eta instalatu

Aplikazioa doakoa da eta beraz aplikazio hau zuzenean bere web orrialdetik deskargatu dezakezu.  iPhone baduzu, iTunestik deskargatu dezakezu. Android-a edukiz gero Google Play dendatik deskargatu.

2. Erregistratu

Aplikazio honek zure datu pertsonalak sartzeko eskatuko dizu. zure izen.baizen errealak sartu, zure lagunek sare sozialetan aurki zaitzate. Erabili zure argazkia, lagunek identifikatu ahal izateko.

3. Argazkia atera eta filtro sortzaileak jarri 

Argazkia atera eta filtro sortzaileak eta efektuak sortzeko aukera ematen du aplikazio honek

 4. Zure argazkiak sare sozialetan partekatu

Argazki bat publikatzean, instagram sarean zabalduko da. Beste sare sozialetan partekatzeko aukera ere ematen du aplikazio honek. Adb, Facebook, Twitter, Tumblr..

5. Zure instagram kontua beste leku batzuetan konektatu

6. Erabiltzaile desberdinak aurkitu eta jarraitu

Iruzkinen bat utzi erabiltzaile horiei eta beraien elkarrizketetan parte hartu.

QupZilla web nabigatzaile azkarrena

 Maixa Zabaleta

Badakigu web nabigatzaileen artean konpetentzia izugarria dela. Nabigatzaileen artean, ez dago Internet Explored ezaguna bakarrik. Honetaz aparte, Google Chrome, Firefox edo blog honetan aipatu dudan Ixquick ditugu. Zerrende honetara QupZilla nabigatzailea sartuko dugu.

QupZillak WebKit sisteman oinarrituta dago. WebKit-aren abantail nagusienetakoa bere azkartasuna da. Sistema hau ere Google Chromek erabiltzen du. QupZillak web nabigatzaile batek behar dituen tresna edo ezaugarri guztiak ditu: markatzaileak edo bookmarks deritzonak, feeds irakurgailuak, publizitatea blokeatzeko plugin-a etb.

Aipatu beharra dago, Firefox nabigatzailearen itxura duela. Baina honek aukera gehiago ematen dizkigu, orrialdearen itxura pertsonalizatuagoa izaten. Gainera, honen menua askoz ere txukunagoa da Firefox-ena baino.

Amaitzeko, esan beharra daukat nahiz eta QupZilla web nabigatzailea oraindik ez den oso ezaguna, bere sortzaileak lanean ari direla, ahal den pertsona eta erabiltzaile gehienera iristeko. Horregatik, programa honek gero eta hizkuntza gehiago ematen dizkizu, zurea aukeratzeko. Momentuz, Ingeles, Gazteleraz, Frantsezes, Alemanieraz eta beste hainbat hizkuntzetan dago erabilgarri.

SEO

Gure lanak, blogak edo artikuluak sarera igotzen ditugunean sareko beste eduki bat bilakatzen da, ez hobeago, ez txarrago, ez luzeago, ez politago… beste bat soilik. Egun ikusezina izan nahi ez baduzu inoiz baino garrantzitsuagoa da sarean leku on bat izatea, bilatzaileen lehenengo emaitzetan egon beharra dago.

Internautek gure edukiak aurki ditzaten hitz gakoak ezinbestekoak dira modu egoki batean ezartzea, horrela gure lanak emaitzen lehen postuetan agertuko dira eta ez dira gerizpean geratuko. Egun tresna berri bat dago webgune baten kokapena hobetzeko, SEO (Search Engine Optimization) du izena. Estrategia berri hau prozesu bat da non bere helburua bilatzaileetan web guneen ikusgarritasuna era natural eta etiko batean hobetzea den.

Publizitaterako ere tresna oso baliagarria da, izan ere, egun internet da enpresentzat beraien bezeroengana modu zuzenean irizteko aukera ematen duen hedabidea. Jakina da bilatzaileetan lehenengo emaitzetan egoteko ordainduz kokapena hobetzen dela, SEO alderdi horretatik ere egokia da, izan ere, doako zerbitzua eskaintzen dizu.  Gainera, gaur egun esan dezakegu Googleen ez bazara azaltzen ez zarela existitzen, horrebestez enpresentzat ezinbestekoa da bilatzailetan lehenengo postuetan egotea, bide batez trafikoa handitu eta bezero gehiago izateko.

Laburbilduz, SEO bilaketa tresnen optimizazioaren bidez gure web orrialdea errazago aurkitzeko aukera izango dute modu eraginkor eta errentagarri batean. Jendeak gure lana edo produktuekin topo egingo du eta lehiakideak izanez gero beraiek bilatzaileetan duten tokia hobetuko dugu estrategia honen bidez.  

Itziar Gorriti

SkyDrive Microsoften apustua dokumentuak "lainora" igotzerakoan

 Zabaleta Maixa

Gaur egun, ia denok dugu internetra edozein lekutan konektatzeko aukera. Eta dokumentuak usb eta horrelakoetan gordetzean hauek etxean ahaztu edo kalean galdu, eta zure dokumentuak galtzeko aukera duzu. Horregatik azkenaldian, ordenagailuko dokumentuak linean gordetzeko edo "lainoan" izateko moda bat jarri da. Orain, Microsoften SkyDrive izeneko zerbitzuari buruz hitz egingo dut.

Zerbitzu hau 2007ko abuztuaren 7an atera zuten Windows Live Folders izenarekin. Baino astebete beranduago Windows Live SkyDrivera aldatu zioten. Hasieran, zerbitzua gutxi batzuek bakarrik erabil zezaketen. Estatu Batuetan, Ingalaterran eta Indian. Baina gaur egun, Hotmail kontu bat duten guztiek eduki dezakete.

Erabiltzaile berria bazara SkyDrivek 7GB ko espazioa uzten dizu dohain. Ohiko erabiltzailea izanez gero, 25GB ko espazioa duzu dohainik, eta gutxi iruditu eta gehiago nahi izanez gero 100GB espazioa eduki ahal izango duzu diru gutxiren truke. Bestalde, Microsoften taldea lanean aritu ostean, Windows7, Windows8 eta Vista ordenagailuetatik zuzenean "lainoan" gordetzeko aplikazioa sortu dute. Horrela, ordenagailuan dagoen dokumentu bat, karpeta batetik beste batera mugituta igotzen da "lainora".

"Lainoan" dokumentuak gordetzeko konpetentzia

Gero eta horrelako zerbitzu gehiago daude gure eskura eta ezagunenak Dropbox, Google Drive, SkyDrive eta beste hainbat dira. Horregatik hemen uzten dizuet bideo bat bakoitzaren alde honak edo puntu fuerteak erakusten dizkigula.

La Vanguardiako hemeroteka

La Vanguardia 1881eko maiatzak 3an Bartzelonan Carlos Godó eta Bartolomé Godó anaiek sortutako egunkaria da. Espainia osoan egunero argitaratzen den gaztelaniazko egunkaria da non 2011ko maiatzaren 3tik aurrera katalanezko bertsioa ere egiten den. 2000. urtean izendatu zuten gaur egun zuzendari den José Antich kataluniarra. 

La Vanguardia egunkariak berezitasun aipagarria dauka beste egunkariekin alderaturik, izan ere, bere artxibo guztiak digitalizatu ditu oso osorik. Hemerotekak emaitza zoragarriak izan ditu jendearen ikusgai baitaude 131 urte hauetako ale guztiak, horrenbestez ordutik hona argitaratutako ale bakoitza ikusgai dago bere web orrialdean edo bere facebooken. Hemeroteka honi bakarra egiten diona ez da soilik denboraren hedadura zabala, baita doakoa online zerbitzua izanak eta edukiak gorde edo inprimatzeko aukera daukala.

Hemeroteka digital honek hiru bilaketa modu eskaintzen dizkizu. Lehenengo bilatzeko modua hitz gakoen bidez izango litzake. Bigarren bilatzaileak berriz data hartuko luke kontuan non egun zehatz bat bilatuko genuke. Azkenik,  hirugarren bilatzeko moduak aurreko bien konbinaketa bat izango litzake, izan ere, hitz gakoak jarriko genituzke eta baita aurkitu nahi dugun dataren tartea ere.

La Vanguardia hemerotekaren arrakasta azaltzen duen bideoa: 

                                                                                                                                       Itziar Gorriti

YouTube

Gaur egun edonork interneten bideo bat bilatu behar duenean YouTubera jotzen du, bera da ikus-entzunezko dokumentuen izarra.  YouTube web orrialde bat da bideo digitalak igo eta partekatzeko non Adobe Flash erreprodukzioa formatua erabiltzen den.

 PayPal enpresako hiru langile ohiek sortu zuten web orrialde hau 2005eko otsailean, bere lehenengo bideoa “Me at the zoo” izan zen, bertan ikus daiteke YouTubeko fundatzaileetako bat zoologiko batean. 2006ko urrian Google enpresak barneratu zuen 1.650miloi dolarren truke eta gaur egun bere filialetako bat da.

Bere arrakastaren oinarria pertsona orok bere bideo pertsonalak modu arrunt batean mundu osoaren esku jartzean datza. Bertan bideoak eduki ezberdinekin aurkitzen dira: bideo musikalak, film zatiak eta telebistako erreportajeak, besteak beste.

2007ko ekainean hizkuntza askotara itzuli zen. Gaur egun, YouTube hizkuntza ezberdinetan erabiltzeko aukera dago, zehazki 10 hizkuntzetan. Hala ere, eduki originalak ingelesezkoa izaten jarraitzen du.

YouTube plataforma ospetsuenetako bat izanik publizitateak ere atea jo zion 2007ko maiatzean. Urte hartan iragarki publizitarioak agertzen hasi ziren, hala ere, orduan ez zuen arrakastarik eduki, izan ere, iragarle batek ere ez zituen diru-sarrerak handitu. Bestalde, publizitate teknika batek oso ondo funtzionatu du, biralak. Bideo birala edo marketin birala sare sozialen bidez zabaltzen den jarduera da. Fenomeno ohikoa da YouTuben, asko ikusten diren bideoen bisita kopuru handiak ikusleen ahoz ahoko gomendioengatik igotzen baitira sarri.

YouTuberen lehiakide zuzenak Yahoo!Video, MyVideo eta Video Google dira, naiz eta azken hau ez den lehiakide bezala hartzen izan ere enpresa berekoak diren. Web orrialde hauek YouTuberen lehiakideak diren arren ez dut uste konpetentzia handirik egiten dionik, izan ere, jendearen baitan marka ederto finkatuta dago.

 

Bideoak YouTubera igotzeko gida

Itziar Gorriti